2025 жылғы 11 шілде күні «Таза Қазақстан» экологиялық акциясы аясында «Іле-Балқаш» мемлекеттік табиғи резерватының қызметкерлері мен Балқаш ауданының Жастар ресурстық орталығының мамандары мен белсенділері Бақанас каналының жағалауын қоқыстан тазарту бойынша игі іс-шара өткізді.

Бұл бастаманың басты мақсаты — ауылымыздың маңызды су көздерінің бірі саналатын Бақанас каналының экожүйесін сақтау, тұрмыстық қалдықтардан арылту арқылы табиғи ортаны ластанудан қорғау болатын.

Сонымен қатар, жастар арасында экологиялық мәдениетті нығайтып, табиғатқа деген жауапкершілік сезімін ояту – бұл шараның маңызды бағыттарының бірі болды.

Бірге тазалайық, бірге қорғайық – табиғат бізге аманат!

#ТазаҚазақстан #ІлеБалқаш #ЖастарОрталығы#Экосана #ЖасылБолашақ #Бақанас2025 #Экоакция