«Іле-Балқаш» мемлекеттік табиғи резерватының қызметкерлері «Таза Қазақстан» жалпыұлттық экологиялық акциясы аясында санитарлық-тазалық жұмыстарын жүргізді.

Іс-шара барысында қызметкерлер Сейфуллин көшесінің бордюр бойын қоқыстан тазартып, қоршаған ортаның тазалығын сақтауға өз үлестерін қосты.

Тазалық жұмыстары тұрғындар арасында экологиялық мәдениетті қалыптастыруға, қоршаған ортаға ұқыпты қарауды насихаттауға және елді мекендердің санитарлық жағдайын жақсартуға бағытталған.

Таза қоршаған орта – баршамыздың ортақ міндетіміз. Табиғатты аялап, тазалықты бірге сақтайық!