«Іле-Балқаш» мемлекеттік табиғи резерватының «Балқаш маңы» филиалы аумағында 2024 жылдың күзіне арналған орман дақылдарын түгендеу (инвентаризация) жұмыстары жүргізілді. 🌳

Сонымен қатар, 2019 жылғы орман орналастыру материалдарына сәйкес табиғи өсуге қалдырылған учаскелер тексеріліп, жалпы ауданы 2229 гектар болатын орман генетикалық резерватының белгілері (бағандары) жаңартылды.

🔍 Жұмыс барысында бірқатар учаскелерде орман дақылдарының қанағаттанарлық деңгейде дамуы және жергілікті ағаш түрлерінің табиғи өскіндерінің болуы анықталды. Бұл — орманның табиғи қалпына келуінің оң динамикасын көрсетеді. 🌱

Далалық жұмыстар кезінде зерттелетін учаскелердің жалпы жағдайын айқындайтын сынақ алаңшалары салынды. Онда отырғызылған (немесе себілген) ағаш түрлерінің саны есептеліп, нәтижелері бір гектар жерге шақталып қайта есептелді.