«Іле-Балқаш» МТР РММ-нің мемлекеттік инспекторлары мен Балқаш-Алакөл облысаралық бассейндік балық шаруашылығы инспекциясы құрамындағы Төменгі Іле балық инспекциясы бөлімшесімен бірлесіп жүргізген рейд барысында арнайы электр қуат беруші құралына ұқсас затпен Іле өзенінің үстімен жүрген азамат ұсталды.

Алдын алу шаралары кезінде балық аулау фактісі тіркелмегенімен, аталған азаматтың әрекеті браконьерлікке дайындық белгілерін көрсеткен.
Оқиға 2025 жылғы 31 қазанда «Іле-Балқаш» МТР РММ-нің жедел басқаруына берілген Балқаш маңы қаумалының аумағында, Жиделі ауылдық округіне қарасты Байменей жерінде анықталды.

Қазіргі уақытта іс Балқаш аудандық ішкі істер бөліміне жолданып, анықталу үстінде. ⚖️

🔹 Табиғатқа зиян келтіретін мұндай әрекеттерге жол берілмейді.
🔹 Су экожүйесін сақтау – әрбір азаматтың ортақ міндеті. 🌊🐟
🔹 Браконьерлікке қарсы рейдтік іс-шаралар алдағы уақытта да жалғасын табады.