🌿 «Іле-Балқаш» мемлекеттік табиғи резерваты жас жеткіншектерге табиғат пен жануарлар әлеміне деген сүйіспеншілік пен қамқорлық сезімін тәрбиелеу жолында ауқымды жұмыстар атқаруда. Экологиялық білім беру бағдарламалары арқылы балалар қоршаған ортаның маңызын түсініп, оны қорғау қажеттігін саналы түрде қабылдайды. Осындай маңызды іс – шараның бірі «Парктер шеруі – 2025» халықаралық экологиялық акциясының ашылу салтанатында өткен болатын. «Жасыл Life» мектеп орманшылығының топ мүшелері қолдан жануарлар макетін құрастырып, олармен жақынырақ танысып, табиғатымыздағы олардың маңызды екендігін білді.

🐾 Біздің мақсатымыз – болашақ ұрпаққа табиғатқа деген жауапкершілік пен құрметті сіңіру, оларды экологиялық мәдениетке баулу. Себебі, табиғатты қорғау – жарқын болашақтың кепілі!

🌱 Табиғатты аялау – ортақ міндетіміз!