🌿 «Парктер шеруі – 2026» халықаралық табиғатты қорғау акциясы аясында «Іле-Балқаш» мемлекеттік табиғи резерватының «Экологиялық ағарту, рекреация және туризм» бөлімінің мамандары Балқаш ауданының қорғаныс істері жөніндегі бөлім қызметкерлеріне «Қазақстанда жолбарысты қайта жерсіндіру бағдарламасы» тақырыбында экологиялық кездесу ұйымдастырды.

Кездесу барысында қатысушыларға Қазақстан аумағында жүзеге асырылып жатқан жолбарысты қайта жерсіндіру жобасының маңыздылығы, Іле-Балқаш өңірінің табиғи ерекшеліктері мен экожүйені сақтау бағытындағы жұмыстар таныстырылды. Сонымен қатар табиғатты қорғау, биоалуантүрлілікті сақтау және сирек кездесетін жануарларды қорғаудың маңызы жөнінде ақпарат берілді.

Іс-шара соңында қатысушылар жолбарысты қайта жерсіндіру бағдарламасына қатысты өз пікірлерімен бөлісіп, табиғатты қорғау бағытындағы бастамаларға қолдау білдірді.