Экологиялық білім – табиғатты аялаудың, қоршаған ортаны қорғаудың және болашақ ұрпаққа таза әлем қалдырудың негізі. Табиғатқа деген жанашырлық пен жауапкершілік ең алдымен білім мен тәрбиеден бастау алады.

Осы орайда, «Іле–Балқаш» мемлекеттік табиғи резерватының «Экологиялық ағарту, рекреация және туризм» бөлімінің мамандары табиғатты қорғау бағытында жүйелі жұмыстар жүргізіп келеді. Атап айтқанда, жас ұрпаққа экологиялық тәрбие беру, табиғатқа ұқыпты қарау мәдениетін қалыптастыру және қоршаған ортаны сақтау маңыздылығын насихаттау басты назарда.

Табиғатты қорғау – баршамызға ортақ міндет! 🌱
Әрқайсымыз табиғатқа жанашырлықпен қарап, оның байлығын сақтауға үлес қосайық!