Бұл күн – ғылым жолын таңдаған табанды әйелдер мен талапты қыздардың еңбегін дәріптейтін ерекше дата. БҰҰ бастамасымен белгіленген бұл күн әйелдер мен қыз балалардың ғылымға тең қол жеткізуін қамтамасыз етуге, олардың әлеуетін дамытуға және ғылыми ортадағы мүмкіндіктерін кеңейтуге бағытталған.

Осы ретте, «Іле-Балқаш» мемлекеттік табиғи резерватының ғылым саласында еңбек етіп жүрген әйел мамандарының еңбегі зор құрметке лайық. Табиғатты қорғау, биоалуантүрлілікті зерттеу, экожүйені сақтау бағытындағы олардың күнделікті еңбегі – өңір ғылымының дамуына қосылған маңызды үлес.

Ғылым – тынымсыз ізденіс пен қажырлы еңбектің жемісі. «Іле-Балқаш» мемлекеттік табиғи резерватында, сондай-ақ еліміздің түрлі ғылыми және кәсіби салаларында табысты еңбек етіп жүрген барлық әйелдер мен қыздарға сарқылмас шабыт, сәтті зерттеулер және жаңа белестер тілейміз.