Статусы. II санат. Құлан халықаралық аспектіде саны күрт азайып бара жатырған жануар. Сондықтан ХТҚО-ның Қызыл кітабына енгізілген.
Гендік қорды сақтап қалудағы таксонның маңыздылығы. Қазақстанда жалпы дүние жүзінде жылқылар туысына жататын 9 түрдің бірі.
Таралуы. XVIII-XIX ғасырларда Қазақстан мен Орта Азия даласында, шөл-шөлейтті аудандарында кең таралған. Сол кезде үйірінде мыңдап құлан саналатын. XX ғасырдың басында біздің республика территориясында ол жойылып кетті. 1953 жылы Барсакелмес аралына, 1982 жылы Алтынемел ұлттық паркіне, 1986-1990 жылдары және 2007 жылы Андысай қорықшасына, 2022 жыл Іле-Балқаш резерваты.
Мекендейтін жерлері. Құлан шөлейтті және шөлді жерлер фаунасының өкілі. Ол ауа райы ыстық және құрғақ, қысы суық болатын қоныстарды мекендей береді. Бұл олардың жоғарғы экологиялық бейімділігін көрсетеді. Көбіне қыратты жазық ашық жерлерде мекендеуді ұнатады. Аласа таулар мен олардың етектерінде тіршілік етеді.