01.04.2024 жылы, «Іле-Балқаш» мемлекеттік табиғи резерватының «Экологиялық ағарту, рекреация және туризм» бөлімінің басшысы Г. Қыстаубаева мамандары С.Абилов, Т.Рахат және «Ғылым, ақпарат және экологиялық мониторинг» бөлімінің лаборанты А.Аяпберген, «Табиғи кешендер мен объектілерді қорғау» бөлімінің аңтанушы маманы Г. Күмісбаева «Саябақтар шеруі-2024» халықаралық табиғатты қорғау экологиялық акция аясында Қарой ауылдық округі «Мектепке дейінгі шағын орталығымен Үлгілі» орта мектебі 6,7,8 сынып оқушыларына 1-ші сәуір — Құстар күніне байланысты «Іле-Балқаш» резерватындағы құстардың түрлері» атты тақырыбында слайд-презентация көрсетіліп, экологиялық дәріс оқылды. Сонымен қатар, туризм бөлімінің мамандары ұйымдастырған «Құстарды ұясыз қалдырмайық» атты ұранмен құстарға ұя жасау конкурсы өткізілді. Әр оқушы өзінің жасаған құс ұясын қорғады. Нәтижесінде, құрылған комиссияның шешімімен конкурстың жеңімпаздары анықталып, арнайы сыйлықтар табысталды. Жасалынған құс ұялары мектеп және мекеме қызмет үйінің ауласына ілінді.