«Қазақстан Республикасының аумағында жануарлар түрлерін есепке алуды жүргізу жөніндегі нұсқаулықты бекіту туралы» Қазақстан Республикасы Ауыл шаруашылығы министрінің 2012 жылғы 01 наурызындағы № 25-03-01/82 бұйрығына сәйкес, ағымдағы жылдың ақпан айының 26-29 күндері аралығында «Іле-Балқаш» мемлекеттік табиғи резерватының аумағында ҚР ҒЖБМ ҒК «Зоология институтының» РМК териология зертханасының ғылыми қызметкері Е.Байдавлетов, териология зертханасының лаборанты В.Штаух және Алматы облыстық орман шаруашылығы және жануарлар дүниесі аумақтық инспекциясының жануарлар дүниесі және аңшылық шаруашылығы бөлімінің басшысы Л.П.Сидоренконың қатысуымен көктемгі жабайы аңдардың санағы өткізілді.