Жыл сайын 29 шілдеде бүкіл әлемде Халықаралық жолбарыс күні атап өтіледі, ол 2010 жылы Санкт-Петербургте жолбарыстардың популяциясын сақтау мәселелері бойынша халықаралық (Жолбарыс саммиті) форумда құрылды.

Бір кездері Алматы облысы, Балқаш ауданының аймағында тұран жолбарыстары өмір сүрген, ХХІ ғасырдың басында олар толығымен жойылып кеткен, Қазақстанда жолбарыстардың жойылуының негізгі себебі браконьерлік болды.

Халықаралық жолбарыстар күніне орай, өскелең ұрпақты экологиялық ағарту және жолбарыстардың жойылу проблемасы мен оларды қорғауды насиқаттау мақсатында  «Іле-Балқаш» мемлекеттік табиғи резерватының қызметкерлері, «Балқаш ауданының жастар ресурстық орталығы» мамандарымен және «Жасыл ел» жасағымен кездесіп, дөңгелек үстел өткізіп, экологиялық дәріс оқыды және «Жасұлан» балалар бақшасының тәрбиеленушілерінің жабайы табиғатқа қызығушылығын арттыру мақсатында жабайы аңдардың суреттерін құрастыру және бояу, сонымен қатар мульт-слайд көрсетіп өтті.

ҚР Экология және табиғи ресурстар министрлігі мен Дүниежүзілік табиғат қоры арасында Меморандумға қол қойылғанын ертерек хабарладық, халықаралық сарапшылар "Іле-Балқаш" резерваты аумағының жарамдылығын растады.

Осыған орай, резерват аумағына амур жолбарыстарын алып келуді, 2024 жылдың күзінде Нидерландыдан және 2025 жылы Ресейден күтілуде.