Астана қаласында Мемлекеттік қызметшілер күніне орай өткен салтанатты рәсімде қоршаған ортаны қорғау саласына және жолбарысты тарихи ареалына қайтару жөніндегі халықаралық жобаны жүзеге асыруға қосқан елеулі үлесі үшін «Іле-Балқаш» мемлекеттік табиғи резерватының бас директоры Қожабеков Қанат Сауытханұлы, бас директордың ғылым жөніндегі орынбасары Елубай Жансерік Ерболұлы және «Жануарлар дүниесі» бөлімінің басшысы Қасабеков Нариман Жұмабекұлы «Ерен еңбегі үшін» медалімен марапатталды.

Марапат иелерін жоғары мемлекеттік марапаттарымен шын жүректен құттықтаймыз! Еліміздің экологиялық бастамаларын жүзеге асыру, табиғи мұраны сақтау және биоалуантүрлілікті қорғау жолындағы еңбектеріңізге толағай табыс, зор денсаулық және жаңа жетістіктер тілейміз!