«Іле-Балқаш» мемлекеттік табиғи резерваты Наурыз айының 22-ші жұлдызы күні Қарой ауылында мәдениет үйінің алдында Наурыз мерекесіне арнап, қазақ үй құрып, көпшілікпен бірлесіп, Наурыз мерекесімен қоса табиғат қорғау акциясы «Парктер шеруі-2023» ашылуын өткізді.
«Парктер шеруі» табиғат қорғау акциясының басты мақсаты — биліктің, бұқаралық ақпарат құралдарының, кәсіпкерлердің және бүкіл қоғамның назарын еліміздегі ерекше қорғалатын табиғи аумақтарды қорғауға, іс-жүзінде көмек көрсетуге, отандастар санасында өзіміздің табиғи және мәдени мұраларымызға деген мақтанышты ояту және оны қорғау.
Акция аясында :«Құстар күні» , «Жер күні», ағаш отырғызу, «Таза өзендерге — таза жағалау», «Таза бұлақ», студенттер мен оқушылар арасында экологиялық тақырыпта сабақтар мен дәрістер, оқушылар арасында экологиялық байқау, ашық есік күндері сияқты іс – шаралар өткізіледі.